عندي سؤال للمتزوجات
هو مش سؤال واحد هما شوية اسئلة رخمة كده بس استحملوني رجاءا والاجابة اجباري
1 / امتي اخر مرة قولتي لجوزك بحبك ؟؟؟
طيب مسمعتيش حديث الرسول (( والكلمة الطيبة صدقة )) ودي لعموم الناس ما بالك لما تبقي لزوجك
2 / امتي اخر مرة جوزك رجع من الشغل لاقاكي واقفة ع الباب اول ما يفتح بابتسامةوبتقوليله وحشتني ؟؟
طيب مسمعتيش الحديث الشريف (( تبسمك في وجه اخيك صدقة )) طيب ده جوزك مش مجرد اخ ف الدين
3 / امتي اخر مرة جبتيله وردة ؟؟؟ (( انا عن نفسي كانت من 4 سنين ))
طيب مسمعتيش الحديث (( تهادوا تحابوا ))
4 / امتي اخر مرة بعتي له رسالة وهو ف الشغل قولتيله وحشتني والبيت من غيرك وحش ؟؟
امتي وامتي وامتي ؟؟؟؟؟؟؟؟؟؟؟
اخر سؤال // امتي اخر مرة اشتكيتي ان جوزك معدش بيحبك وانه معدش رومانسي زي ايام الخطوبة ؟؟؟
صدقوني والله في تكات بسيطة ومش حتكلفك حاجة ولا حتتعبك ف حاجة ولا حتزود مسؤلياتك ف البيت وف الشغل ومع الولاد بس حتفرق كتيييييير ف حياتك
الحب والرومانسية مع جوزك مش حاجة عيب ولا حاجة حرام ولا شيء متعب ولا مرهق ولا محتاج وقت بس حتزود ف ميزان حسناتك عند ربنا وحتعيشي سعيدة دنيا واخرة
No comments:
Post a Comment